கிறுக்கல்கள்

Genre: Action, Adventure, Drama Imdb 6.4/10 No Spoilers   படத்தின் கதையை முழுதாகச்  சொல்லி பார்க்கும் சுவாரசியத்தை குறைக்க மாட்டேன். அதனால் பயமில்லாமல் முழுதாக வாசிக்கலாம். நான் ஒரு Survival Movie பைத்தியம் இந்த படத்தை பார்க்க தேர்வு செய்தமைக்கும் அதுவே காரணம். ஆனால் இந்த படம் அதையும் தாண்டி அழகான காதல் கதையும் கூட படத்தின் தலைப்பே கதையின் கருவென்றும் சொல்லலாம்.  The Mountain Between Us "நாம் இணைச் சேர கடுகளவு சாத்தியங்களும், மலை அளவு  ஆசாத்தியங்களும் "   முன் பின் அறிமுகமில்லாத ஓர்  ஆணும் பெண்ணும் சந்தர்ப்ப சூழ்நிலைக் காரணமாக  தனியார் விமானம் ஒன்றில் இணைந்து பயணம் செய்ய நிர்பந்திக்கப்படுகிறார்கள். ஒரு கட்டத்தில் மோசமான வானிலைக் காரணமாக விமானம் விபத்துக்கு உள்ளாகி பனிமலைகளுக்கு நடுவே விழுந்து விடுகிறது. கட்டுப்பாட்டு அறையுடனான தொடர்புகள் எல்லாம் முழுமையா அற்று நிர்கதிக்கு உள்ளாகும் தருணத்தில், இருவரும் எல்லாத் தேவைகளுக்கும் அறியாத ஒருவரை நம்பி இருக்க வேண்டிய சூழ்நிலை. கைவசம் இருக்கும் உணவும், நீரும் சொற்பம். வாழ்வாதாரங்களும் எதுவும் இல...

எழுத்தாளர் ஆவது சுலபம், ஆனால்  நம் எழுத்தை மற்றவர்களை வாசிக்க செய்வதுதான் சவாலான காரியம்.  எழுதுவது எல்லாமே படைப்பாகிவிட முடியாது. அதனால் தான் சொல்கிறேன் எழுதுபவர்கள் எல்லாம் எழுத்தாளர்கள் அல்ல!. மலையின் உச்சியை அடையமுயலும் சிறு எறும்பென நான் முயற்சித்து கொண்டிருக்கிறேன்.  நான் சோம்பேறி, தற்போதைய வேகத்தை வைத்து கணித்து பார்க்கும் பொழுதும் ஏறி முடிப்பேனா என்பதே சந்தேகம் தான். நண்பர்கள் எழுத்தாளர் என்று கூப்பிடும் பொழுது என்னால் அதை ஏற்றுக்கொள்ள முடியவில்லை. இன்னும் ஒரு புத்தகம் கூட எழுதியது இல்லை பிறகு எப்படி எழுத்தாளன் ஆகமுடியும் என்று நானே என்னிடம் கேட்டுக் கொள்வேன்.  முதன் முதலாக #கனலி இலக்கிய இணைய தளத்தில் என் "தவிப்பு" என்ற குறுங்கதை வெளிவந்த பொழுது அதில் "எழுத்தாளர்: நரேஷ்" என்று குறிப்பிட்டிருந்தார்கள். அன்றிலிருந்து எழுத்தாளன் என்ற பட்டத்தை நான் முழுமையாக ஏற்றுக் கொண்டேன்.  "உனக்கு கதை எழுதவே தெரியவில்லை" என்பவர்களிடம், நான் எழுத்தாளன் அல்லவென்று தன்அடக்கத்துடன் நடந்து கொண்டால் சில அரைவேக்காடுகள்  தலை மேல் ஏறி கக்கா போய்விடுகிறார்கள். அட...

(குறுங்கதை 12) ஆளரவமே இல்லாத மலைக்காடு. பாதையின் இருபுறமும் செழித்து உயர்ந்த பைன் மரங்கள்.  பனிமூட்டம், குளிர்க் காற்று, நிலவொளி என ரம்மியமான  இயற்கை அழகு ஆனால் நடுச்சாமம் பன்னிரண்டு மணிக்கு ஒற்றையாகப்  பயணிக்கும் போது  இவையெல்லாம் பூரிப்படைய செய்வதற்கு பதிலாக பீதியைக்  கிளப்பும்படியிருந்தன. தனியாகக் காரை வேகமாக  செலுத்திக் கொண்டிருந்தான்.  முடிந்த மட்டும் விரைவாக இந்த காட்டைக் கடந்து சென்று விடவேண்டும் என்பதே அவனின் முதல் நோக்கமாக இருந்தது. அமானுஷ்யம், ஆவிகள், இவற்றில் கொஞ்சம் நம்பிக்கையுண்டு.  இந்த பாதையில் ஆவிகளின் நடமாட்டம் தொடர்பான கட்டுக் கதைகள் உலாவுவதால் மனதில் எழுந்த பயத்தை அடக்க முடியவில்லை. இம் மாதிரியான நேரங் கெட்ட நேரத்தில் தான் துர்ஆத்மாக்களின் இருப்பை பற்றிய ஆராய்ச்சியில் மனது ஈடுபட ஆரம்பித்தது. இடையிடையே சடசடத்து தாழ்வாகப்  பறந்துச் சென்ற வெளவால்கள் வேறு  அதற்கு ஒத்து ஓதின! இந்த எண்ணத்தை உடனே  திசைத்  திருப்பி மனதை வேறு சிந்தனைகளில் மாற்ற எண்ணியப்படி காரிலிருந்த  மியூசிக் பிளேயரை ஒலிக்க விட்டான்...

(குறுங்கதை - 11) அந்த ப்ரஷர் குக்கரில் தான்  அவர்கள் தினமும் அவிந்துக்  கொண்டிருந்தார்கள். காலை எட்டுக்கு ஆரம்பித்தால் அன்றைய நாள் வேலை நேரம் முடியும் வரைக்கும், ஊசி நிலத்தில் விழும் ஒலியைக் கூட துல்லியமாகக்  கேட்கலாம். அவ்வளவு நிசப்தம். காற்றில் அபிநயம் பிடித்துதான் பேசிக்கொள்வார்கள்.  வார்த்தைகள் கூட ஒலியின்றி வெறும் காற்றாய் தான் வெளிவரும்.  புதிதாய் அங்கு வந்து சேருபவர்கள் அதே வேகத்திலேயே காணாமல் போய்விடுவதுமுண்டு.  சில சமயங்களில் மீறி சிக்கியவர்கள்  அழுத்தம் தாங்காது  இருக்கையிலேயே வெடித்து சிதறிக்கிடப்பார்கள். அவர்களை அப்படியே அள்ளி குப்பைத்  தொட்டியில் போட்டுவிட்டு வேலை சிறிதும் தடையுறாமல் கம்பனி நிர்வாகம் பார்த்துக்கொள்ளும். குடும்பத்திற்காகத் தங்களை நேந்துவிட்ட ஒரு சில பலிக்கடாக்கள் மட்டும் அங்கே மீந்திருக்கும். ரெஸ்ட் ரூமில் உள்ள முகம்  பார்க்கும் கண்ணாடிதான்  எச். ஆர். சில சமயங்களில் சைக்கார்டிஸ்ட் என எல்லாமே, மேனேஜரிடம் கடிப்பட்டவர்கள். மூத்திரம் முட்டுவதாகப் பாவனை செய்துக்கொண்டு அங்கு சென்று அதனிடம் முறையிட்...

ஹோமோ செபியன்ஸ் இருக்கும் மட்டும், மதம், நாடு, ஜாதி, சொர்க்கம், நரகம் போன்ற கற்பனை கதைகளும் இருக்கும். அவற்றால் மட்டும் தான் ஒருவருக்கு ஒருவர் அறிமுகமில்லாத பெரும் மனிதக் கூட்டத்தை ஒரு கொள்கையின் கீழ் ஒன்று சேர்க்க முடியும். எதிர்காலத்தில் கூர்ப்பின் மூலம் எம்மைவிடவும் மேம்பட்ட அதிமனிதர்கள் உருவாகும் போது இன் நிலைமை மாறிவிடும். அதற்கு பிறகு தோன்றும் புதிய மதத்தில் புராதான கிரேக்க கடவுள்களை போல இப்போதைய கடவுள்கள் சக்தியை இழந்து இருப்பார்கள்.  அங்கு வேறு ஒரு கடவுள் ஆட்சி செய்து கொண்டிருப்பார். அவருக்கு இப்போதைக்கு பெயர் வைப்பதும், வல்லமைகளை வரையறை செய்வதும் கடினம்.  காரணம் அப்பொழுது நாம் அழிந்து இருப்போம் அல்லது அழிந்து கொண்டிருப்போம்.  அதிமனிதர்களுக்கும் நமக்குமான வித்தியாசம் நியாண்டதால் மனிதர்களுக்கும் ஹோமோ செபியன்ஸ்க்கும் இருக்கும் வேற்றுமையை விட சிக்கலானது.

மிஸ்டரி, திரில்லர் வகையரா படம். படத்தின் தலைப்பை பார்த்தவுடனே கதையை அனுமானித்து விடலாம். கண்ணுக்கு புலப்படாத ஒரு மனிதன்  தான் வில்லன் அல்லது ஹீரோவாக இருக்கப் போகிறான் என்பது நிரூபணமாகிவிடும். இவ்வகை   சினிமாக்கள் திரைக்கு புதிதும் அல்ல Hollow Man படங்களில் எல்லாம் முன்பே நமக்கு காட்டி விட்டார்கள். இதையெல்லாம் தாண்டி நம்மை இருத்தி பார்க்கவைக்க  இயக்குனர் எதாவது மாயம்தான் செய்தாக வேண்டும். அதை தான் 'Leigh Whannell' இதில் நிகழ்த்தி காட்டிக்கிருக்கிறார். படம் தொடங்கிய முதல் நிமிடம் தொற்றிக் கொள்ளும் பரபரப்பு படம் முடியும் மட்டும் இருக்கும். அதுவும் இரண்டு மணிநேரதிற்கு ஒரு சொட்டும் குறையாது. ஆரம்பத்திலேயே முழுக் கதையையும் யூகிக்க முடிந்தாலும் அதிலும் சுவாரஸ்யத்திற்கு குறைவிருக்காது.  முடிவில் நம் யூகிப்பையும் பொய்யாக்கி அடுத்தடுத்து அதிர்ச்சிகளை இயக்குனர் தந்து கொண்டிருப்பார். பொதுவாக திரைக்கதையில் கதை ஆரம்பிக்கும் பொழுது Protagonist பாத்திரம் அறிமுகம் செய்யப்படும். பிறகு அவர் எதிர் நோக்கும் பிரச்சனை அல்லது சவால் எதுவென்று காட்டுவார்கள். பிறகு அவர் எதிர்க...

(குறுங்கதை - 10) மிகைல் நா கார்த்திக்க வெடிங் பண்ணலான்னு நினைக்கிறேன். எட் த சேம் டைம்..., ராஜ் உம் என்  மேல இன்ட்ரெஸ்டா இருக்கான். இவங்க ரெண்டு பேரும் எனக்கு  பிடிச்ச மாதிரிதான் இருக்காங்க..., கார்த்தியோட செட்டில்லாகத்தான்  மனசு சொல்லுது, பட் ராஜ்கிட்ட  இருக்க கேரிங் எனக்கு பிடிக்கும்.  ஒரே கன்பியுஸ்ட்டாயிருக்கு, இந்த விசயத்துல எனக்கு உன் அட்வைஸ் வேணும் ப்ளீஸ் ஹெல்ப் மீ ! தாராளமாக ரியா...., என்னிடம் நீ அனுமதி கேட்கத் தேவையில்லை. சில தனிப்பட்ட தகவல்களை எல்லாம் ஆராய்ந்துப் பார்க்கவேண்டும் அதனால் கூடுதல் அதிகாரம் தேவை.  டர்ம்ஸ் அன்ட் கண்டிஷன்ன ரீட் பண்ணிட்டு அக்செப்ட் பண்ணு. மிகுதியை நான் பார்த்து கொள்கிறேன்.  "ஓகே, இந்த விஷயம் ரகசியமா இருக்கட்டும்..., முக்கியமா கார்த்திக்கு தெரியக் கூடாது, அவனுக்கு எல்லாத்துக்கும் மெஷின்ச நம்பிட்டு இருக்கது பிடிக்காது"  என்று சொல்லியப்படி ரியா தன் ஆர்ட்டிப்பிசல் இன்டலிஜெண்ட்டுக்கு தேடுவதற்கான முழு அதிகாரத்தையும் சுதந்திரத்தையும் வழங்கினாள்.  மிகைல் இணையவெளியில்  தனக்கு தேவையான தகவல்களை  அ...