Posts

தேனீ

Image
பூச்சி வகைகளில் தேனீ மட்டுமே மனிதனுக்கு பகுதியளவில் கட்டுப்பட்டது. ஆடு, மாடு போல அதனையும் நாம் தோட்டத்தில் வளர்க்க ஆரம்பித்து விட்டோம். கொத்து வாங்கிக் கொண்டும் வளர்க்க காரணம் தேனின் சுவைதான். தேன் என்றால் யாருக்கு தான் பிடிக்காது, இயற்கையான, சுவையான, ஆரோக்கியமான உணவு. தேனை சாப்பிடவும், உடலில் பூசிக் கொள்ளவும் முடியும். இரண்டு வழிகளிலும் உடலுக்கு நன்மை செய்யக் கூடியது. அதிலும் கருப்பு தேன் என்றால் மேலும் சிறப்பு. சுவையான தேனை நமக்கு தரும். இல்லை…., நாம் அவற்றிடம் இருந்து திருடிக் கொள்ளும், தேனீயின் வாழ்க்கை தேனை விட தித்திப்பானது. தனிப் புத்தகமாக எழுதும் அளவுக்கு விஷயம் இருக்கிறது. சில சுவாரஸ்யமான தகவல்களை மட்டும் உங்களுடன் பகிர்ந்துக் கொள்கிறேன். அதற்கு முன்பு தேனீயிடம் வெறுப்பைக் காட்டாதீர்கள். பாவம், அவை விரும்பி தாக்குவதில்லை. நம்மை கொத்திய உடன் அதுவும் இறந்து விடும் மனிதர்களின் மூளையுடன் ஒப்பிட்டால் தேனீக்களுக்கு அளவில் மிகச் சிறிய மூளை தான் உள்ளது. அதன் அளவு 0.4 - 0.6  மில்லி மீட்டர் மட்டுமே, ஆனால் சூப்பர் கம்ப்யூட்டர் அளவுக்குத் திறன் வேகம் கொண்டது. தேனீக்கு பத்த...

அனஸ்தீசியா (Anaesthesia)

Image
மயக்க மருந்து என்ற ஒன்று கண்டுப் பிடிக்கபடுவதற்கு முன்னர் இருந்தே, மனிதன் அறுவைச் சிகிச்சைகளை செய்யத் தொடங்கி விட்டான். 18 ஆம் நூற்றாண்டில் செய்யப்பட்ட அறுவை சிகிச்சைகளின் போது நோயாளி கடுமையான வேதனையை பொறுத்துக்கொள்ள வேண்டியிருந்தது. அதிகப்படியான இரத்த இழப்பும் ஏற்பட்டது. வாயில் ஒரு மரக்கட்டையை கடிக்கக் கொடுத்து, படுக்கையுடன் சேர்த்து பிணைத்து கட்டி விட்டு, ஆட்டை அறுப்பது போல அறுக்க ஆரம்பித்து விடுவார்கள். வலியை குறைக்க ஓபியம் (opium), சில வகை மூலிகைகள் பயன்படுத்தபட்ட போதும். அவை பெரிதாக கைக்கொடுக்கவில்லை.  அவற்றினால் மூளைக்கு தூண்டுதலை ஏற்படுத்தி வலி, சூடு, குளிர் போன்றவற்றை உணரச் செய்யும் நரம்பு தொகுதிகளை கட்டுப்படுத்தி வலியை குறைக்க முடியவில்லை. அவற்றின் வீரிய குறைவே இதற்கு காரணம். இந்த பழமையான அறுவை சிகிச்சைகளின் சில சமயங்களில் நோயாளியின் தலையில் ஓங்கி ஒன்று போட்டு நினைவிழக்க  செய்து அவசர அவசரமாக சிகிச்சையை மேற்கொள்ளவார்கள்.  அத்தருணங்களில் சிலர் பாதியில் விழித்துக் கொண்டு மருத்துவர்களை காண்டாக்குவார்கள், ஒரு சிலர் நிரந்தரமாக கண்ணை மூடி விடுவார்கள். பெரு...

அருணா இன் வியன்னா

Image
எழுத்தாளர் அருணா ராஜ் எழுதிய "அருணா இன் வியன்னா" என்ற பயண நூலை கிண்டிலில் படித்தேன். வாவ்! போட வைத்து விட்டார். பின்னர்..., அமேசான் கிண்டிலில் 200 தாண்டி ரேட்டிங், ரிவியூ வாங்குவது என்றால் சும்மாவா?, நீண்ட நாளைக்கு பிறகு ரசித்து ருசித்து வாசித்த புத்தகம். புத்தகத்தை படிக்கத் தொடங்கி சில அத்தியாயங்கள் தாண்டும் போது இந்த புத்தகத்தில் அப்பிடி என்ன பிரமாதமாக இருக்கிறது? இப்படி கொண்டாடி  வைத்திருக்கிறார்கள். என்று நினைத்து கொண்டே வாசித்தேன். சற்று நேரம் கழித்து பார்த்த போதுதான் பாதி பக்கங்களை கடந்து இருந்ததை கவனித்தேன். இதுதான் இந்த புத்தகத்தின் பலம். நான் சமீபத்தில் இவ்வளவு வேகமா வேறு எந்த புத்தகத்தையும் படித்து முடித்தது கிடையாது. எந்த இடத்திலும் சலிப்பை ஏற்படுத்தாத சுவாரசியமான மொழிநடை. அருணா நகைச்சுவை உணர்வு மிக்கவர் பக்கத்திற்கு பக்கம் வெடித்து சிரிக்க வேறு வைக்கிறார். உங்களுடன் சேர்ந்து நானும் ஐரோப்பாவில் சுற்றிய உணர்வை ஏற்படுத்தி விட்டீர்கள். ஏ.கே செட்டியாருக்கு பிறகு நான் ரசித்து வாசித்த பயண நூல் இதுதான். இனி என் சிறந்த பயண நூல் பட்டியலில் இதற்கும் எப்பொழுதும் த...

அரை பிச்சைக்காரன்

ஊருக்கு சென்று வேலையில்லாமல் தெருத்தெருவாக சுற்றி அலைவது போல ஒரு கனவுக் கண்டேன். இதை எல்லாம் நினைத்து பார்க்கும் போதே பயமாக இருக்கிறது. ஊருக்கு சென்றால் நண்பர்களுடன் சேர்ந்து சோமபானம் அருந்தலாம். முகத்தை மறைக்காத  தேவதைகளை பார்க்கலாம். பிறகு கிரகஸ்தனாக மாறி லெளகிக வாழ்க்கையில் உழலலாம். இப்படி சில சந்தோசங்கள் இருந்தாலும் வெளிநாட்டில் இருக்கும் போதே அரை பிச்சைக்காரனாக வாழ்ந்து கொண்டிருக்கும் நான் ஊருக்கு சென்றதும் முழு பிச்சைக்காரனாக மாற வேண்டியிருப்பதை நினைத்து பார்த்தால் தான் கொஞ்சம் கலக்கமாக இருக்கிறது. நண்பன் வேறு "மச்சா புத்தகம் எதும் எழுதும் ஆசை இருந்தா, அங்க இருக்கும் போதே எழுதி விடு. இங்கு வந்த பிறகு லோல் படுவதற்கே நேரம் சரியாக இருக்கும்" என்று பயமுறுத்துகிறான். உண்மை தான்  எந்நேரமும் அரிசி வாங்குவதை பற்றிய யோசனை மண்டையில் இருக்கும் போது இலக்கியம் எப்படி வரும். எழுத்தாளனாக வாழ்வது கூட ஆடம்பரம் தான்.

Joji / 2021 மலையாளம்

Image
 Spoiler Alert  நேற்று ஜோஜி பார்த்தேன். எல்லோரும் அதிகம் புகழ்ந்து எதிர்பார்ப்பை எகிற விட்டபடியால், நானும் "என்னால் அதன் தாக்கத்தில் இருந்து இன்னும் மீளமுடியவில்லை" என்று அடித்து விட விருப்பம் இல்லை. ஆனால் தரமான படம் அதில் எந்த சந்தேகமும் இல்லை. என் ஏமாற்றத்திற்கு காரணம்  "ஒரு சாமானியன் குடும்ப சமூக, புறக்கணிப்பு காரணமாக இரண்டு கொலைகள் செய்கிறான்" என்று கதையின் அடிநாதத்தையே சொல்லி ஸ்பாய்லர் செய்து விட்டார்கள். இது தெரியாமல் படம் பார்க்கும் ஒருவனுக்கு ஜோஜி அற்புத திரை அனுபவத்தை தந்திருக்கும் என்பதை மறுக்க முடியாது. வளமை போலவே பகத் பாசில் தன் பங்கை நிறைவாக செய்து விட்டார். சேட்டன்கள் ஒரே வீட்டையே சுற்றி சுற்றி ஒளிப்பதிவு செய்து நிறைவான கதையை சொல்லி அசத்தி விட்டார்கள். தமிழ் சினிமா இவர்களிடம் கற்றுக் கொள்ள வேண்டும் என்று அதே பழைய புராணத்தை பாட மாட்டேன். எல்லோரும் இப்படியே எடுக்க தொடங்கிவிட்டால் நிச்சயம் வெறுத்து விடும். ஆனால் இது போன்று சில படங்களும் வருடத்திற்கு மூன்று, நான்கு சரி வரவேண்டும். நம்மவர்கள் இதை விட சிறப்பாக செய்ய கூடியவர்கள் தான்.

மண்டேலா

Image
எல்லோரும் மண்டேலா படத்தை பார்த்துவிட்டு நெஞ்சுருகி பதிவிட்டிருந்தார்கள். நானும் பார்த்தேன். முதல் நாள் ஒரு மணிநேரம், பிறகு தூக்கம் வந்து விட்டது. மறுநாள் மிகுதியை பார்த்து முடித்தேன். நல்ல படம் தான் சூரை மொக்கை கிடையாது. ஆனால் பொறுமையை சோதிக்கிறது. அரசியல் நையாண்டி கதையை சொல்ல முயற்சித்து இருக்கிறார்கள், ஆனால் முழுதாக கைகூடவில்லை. கதாபாத்திரங்கள் எல்லாம் பேசிய வசனங்களையே மீண்டும் பேசிக்கொண்டும், செய்தவற்றையே மீண்டும் செய்து கொண்டும் அயர்ச்சியை ஏற்படுத்துகிறார்கள். இரண்டு மணித்தியாலமும் இருபது நிமிடமும் ஓடுகிறது. அதில் இருபது நிமிடத்தை வெட்டி அகற்றி இன்னும் கொஞ்சம் திரைக்கதையை சீர்படுத்தி இருக்கலாம். படத்தில் வரும் பெரிய ஐயா கதாபாத்திரம் குழப்பமாக இருக்கிறது. அவருடைய நிலைபாடு என்ன என்பது அவருக்கே தெரியவில்லை. பிறகு அவரின் குடும்பம்; அம்மாவும், மகனும், அப்பாவும் கிட்ட தட்ட சமவயது உடையவர்களாக தெரிகிறார்கள். ஜோக்கர் படம் மாதிரி வந்திருக்க வேண்டியது. பலவீனமான திரைக்கதை முழு படத்தையும் மளுங்கச் செய்துவிட்டது. படத்தில் இருக்கும் ஒரே ஆசுவாசம் யோகி பாபு தான். அழகாக நடித்து இருக்கிற...

நான்காவது நாள்

Image
சென் பாலன் எழுதிய  கார்த்திக் ஆல்டோ துப்பறியும் "நான்காவது நாள்" என்ற க்ரைம் த்ரில்லர் குறுநாவலை படித்தேன். சுவாரசியமாக இருந்தது. சோர்வடைய செய்யாமல் விறுவிறுப்பாக கதையை நகர்த்திச் செல்கிறார். ஆர்மினியா, சோராஸ்டர், அஹூரா மஸ்டா போன்று பல புதிய தகவல்கள். தொய்வில்லாமல் கதையை நகர்த்துகிறது. இருந்தாலும் இன்னும் கொஞ்சம் ஆல்டோவை அலைய விட்டிருக்கலாம், பெரிய இடையூறுகள் எதுவும் இல்லாமல் துப்பறியும் படலத்தை விரைவாக முடித்து விட்டார். ஒரு இடத்தை, பொருளை அல்லது நபரை, பார்த்த நொடியில் யார் அவர்? என்ன மனநிலையில் இருக்கிறார்? காலையில் எங்கு போனார்? என்ன சாப்பிட்டார்? என சில நொடிகளில் அனுமானித்து விடும் ஷேர்லக் ஹாம்ஸ் போல நம் கார்த்திக் ஆல்டோவும் செய்கிறார். இதை வாசித்த உடன் ஷேர்லக் கண்முன்னே வருவதை தவிர்க்க முடியவில்லை. இது தவறோ அல்லது குறையோ கிடையாது. இருப்பினும் நம் ஆளுக்கு எதாவது புதிதான திறன் இருந்திருந்தால் நன்றாக இருந்திருக்கும். அது போல இதில் வரும் ஹாக்கர் கவின் அறிமுகம் ஆகும் தருணம், பல ஹாலிவுட் படங்களில் பார்த்து பார்த்து சலித்து போன காட்சியை கண்முன்னே வரச் செய்தது.  இவை ...